Last 16-ah Nadal a lut

Rafael Nadal chuan Chung Hyeon hnehin US Open last 16 an in hlangkai a, Spanish tlangval hian zaninah hard court-a inkhel thiam tak Marin Cilic a hmachhawn leh nghal ang.

Inrinni zan Arthur Ashe Stadium-a inkhelah Nadal hian 6-3, 6-4, 6-2 in hnehna a chang, a service a hloh loh laiin a khingpui service hi vawi li a chhuhsak - hnehna chang turin harsatna a tawk lo.

Inkhel dangah Alexander Zverev chuan Aljaz Bedene 6-7, 7-6, 6-3, 7-6 a hnehin a vawi khat nan last 16 a inhlangkai ve bawk a, German tlangval hian a match hmasa pahnihah set nga a khel, tun ṭuma set li a khelh leh avangin thahrui a hmang hnem tawh hle. Seeded 20-na Diego Schwartzman nen an inhmachhawn leh ang.

Player chanchin sawi tur ngah ve tak Nick Kyrgios chu Andrey Rublev lakah 7-6 (7-5), 7-6 (7-5), 6-3 in a tlawm. Nizan khan Roger Federer a inlan a, result kan hre hman lo, tukin zing dar 6:00 hian seeded pakhatna leh champion lai ni bawk Novak Djokovic chuan Stan Wawrinka a hmachhawn dawn.