Charity match-ah Chanmari chak

Mizoram Premier League club Chanmari FC chuan Inrinni khan Kolasib club hlun Project Veng FC nen charity match an khel a, 3-1 in an chak. 

Chanmari tan MS Dawngliana goal 'cial' pahnih belh turin K. Roluahpuia'n goal khat a khung ve a, PFC tan Alan Lalsawmliana goal khungin awmzia a nei lo. 

Kolasib Stadium-a inkhelah hian Chanmari coach S. Malsawmtluanga pawh a inlan a, Mama chuan, "Min thlen danah ka lawm a, ka rin aiin tawh an khirh a ni," tiin Vanglaini a hrilh. 

Kolasib District Hospital poor fund puala inkhelah hian supply minister K. Lalrinliana chu khuallian a ni a, Mizo hockey star Lalremsiami chuan khualzahawm niin a hmanpui bawk. 

September 5-ah Mizoram Premier League ṭan a ni dawn a, Chanmari hian September 6-ah Ramhlun North nen an match hmasa ber an khel ang.