SAFF U15 roreltu India

South Asian Football Federation (SAFF) Under 15 Championship-ah chiang takin India an champion a, group stage-a an sawp tawh hnu Nepal chu final-ah a hma aia chianga sawpin 7-0 in an hneh. 

India tan hian Maheson Singh Tongbram, Amandeep, Sibajit Singh Leimapokam, Sridarth Nongmeikapam leh Himanshu Jangra te chuan goal khat ṭheuh an khung. Blue Tigers hian league round match hmasa berah Nepal hi 5-0 in an lo sawp tawh a, ṭhenawm ram hian final-ah phuba lak theih inbeisei mah se a aia tam goal an chhuah ta zawk. 

Indian rawlthar rual hian inelna neih chhung zawngin match ruk an khelhah goal 35 an khung a, an lamah a lut miah lo. India squad-ah hian Isac Zomuanpuia leh Amosa Lalnun­danga an awm a, final-ah hian Isac chu bench aṭanga luhtir a ni.