Galatasaray leh Falcao indawr

Turkish club Galatasaray chuan Colombian striker Radamel Falcao lakluh tuma indawrna an neih thu an sawi a, kum 33 mi striker hian AS Monaco-ah kum khat atan contract a la nei mek - he thuziak i chhiar meuh chuan Galatasaray player a ni tawh hial mai thei. 

Manchester United leh Chelsea-a loan hmanga lo khel tawh Falcao hian kum 2013 khan Atletico Madrid aṭangin pound maktaduai 50-in Monaco hi a pan a, French club tan match 139-ah goal 83 a khung. Galatasaray hian season hmasa khan an league nomawi 22-na an hlawh chhuak a, tun season-ah pariatna an ni mek. Roma aṭangin Steven Nzonzi chu loan-in an hawh a, Fulham aṭangin midfielder Jean Michael Seri (loan) leh Ryan Babel (free) te an lo lalut tawh bawk.