Subroto Cup U14-ah Saidan Secondary School, Mizoram an champion
Subroto Cup International Football tournament Sub Junior-ah Saidan Secondary School, Mizoram chuan Unique Model Academy, Manipur chu 2-0 a hnehin an champion a, cheng nuai thum leh nomawi an dawng.
Final hi August 29 khan Dr. Ambedkar Stadium, New Delhi-ah khelh a ni a, goal hmahruai khungtu Mualṭhuam North naupang Romalsawma chu best player-ah thlan a ni a, captain Lalhunmawia'n a khung ve bawk Kumin Subroto Cup hi kum 60-na a ni a, Diamond jubilee edition-a Saidan Secondary School enkawltute hi SYS coach & Champhai District FA honorary secretary Lalbulliana leh Lalthawmmawia (manager) ten an ni.
Subroto Cup Sub Junior (kum 14 hnuai lam) inelnaah Mizoram hi kum 2002 khan Holy Heart School hmingin an champion a, kum 2003-ah pawh Holy Heart School hming bawkin an champion. Mizoram hian nomawi chawi leh lawk loin Government Chawngfianga Middle School hmingin kum 2013 leh 2015 khan an champion leh a, tun ṭuma coach Lalbualliana hoa an champion hi Under 14 bika Mizoram vawi nga an champion-na chiah a ni.
Champion Kalkawng
Group Stage
Mizoram 9 - 0 Tripura
Mizoram 12 - 1 Andra Pradesh
Quarterfinal
Mizoram 8 - 1 Chandigarh
Semifinal
Mizoram 2 - 1 Assam
Final
Mizoram 2 - 0 Manipur