Mizo Falcons an champion

North East Futsal League hmasa berah Mizo Falcons chuan final-ah Assam Titans 5-0 a hnehin an champion. 

Inelna hi NC Bordoloi Indoor, Guwahati, Assam-ah August 25-31 chhung khan neih a ni a; champion team hian cheng nuai nga an dawng.

Mipa leh hmeichhia khelh kawpna futsal tournament-ah hian Mizo Falcons player Lalawmpuia leh Jessica te chu mipa leh hmeichhe player of the tournament-ah an thlang.

NEFL hi company pakhat - Proclivity sports and Recreation Pvt Ltd (PSR)-in an buatsaih a ni a; team tel turin franchise fee  leh operation cost an pek a ngai a ni.