TT-ah Mizoramin gold pahnih la

1st NE Masters Table Tennis Championships 2019 chu August 28-31 chhung khan UTSS Indoor Stadium, Lower Lachumiere, Shillong-ah neih a ni a, Mizoramin gold leh silver medal pahnih ve ve bakah bronze medal pali an la.

Men's 40+ team finals-ah Basanta Meisnam, V. Lalmalsawma, F. Lalramdinliana leh Zothanpuia te ṭangho chuan Manipur (3-1) leh Meghalaya (3-0) te hnehin an champion.

Men's 50+ team-ah Mizoram tan Sailoliana Sailo, R. Lallunghnema, R. Lalnunmawia, Hmangaih Johana leh H. Kapthanga te telin Sikkim (3-0) leh Manipur (3-1) hnehin an champion ve bawk. Men's 40+ doubles-ah Basanta Meisnam leh Zothanpuia ten silver medal an la a, Basanta hian men's +40 singles-ah Silver medal a la bawk. Men's +50 singles-ah Sailoliana Sailo leh R. Lallunghnema ten bronze medal an la a, men's +60 doubles-a Lawmsanga leh L. Ramthanga te ṭangdun leh women's +40 doubles-ah Ngurhmingliani Sailo leh K. Lalruatkimi te chuan bronze medal an la.

NE TT Masters tournament hi Table Tennis Federation of India hriatpuiin Meghalaya Table Tennis Association-in an buatsaih a ni a, category 10-ah inelna neih niin hmarchhak state pasarih aṭangin player 139 lai an tel. Mizoram aṭang pawhin player 18 leh hruaitu pali an tel a ni.