Zaninah MFA Futsal Tournament Final

Abigail The Home Store MFA Futsal Tournament chu Zanin hian Malsawma's Yard, Durtlang Leitanah final khelh a ni dawn.

Inelna hi category pathum - League, Division 1 leh Veteran-ah ṭhenhran a ni a, Abigail The Home Store leh Active Sound ten an sponsor. Nizan khan League Club leh Division 1 club ten semifinal an khel a, result kan hre hman lo.

League Club final hi zanin dar 8:45-ah khel tur a ni a, FC Khatla leh Saron Veng FC chak zawkin Team Gideon, Kanan leh Chhinga Veng FC chak zawk an hmachhawn dawn.

Division 1 semifinal-ah Paradise FC leh Samu Hmar FC, Nursery bakah Ditea's FC leh Cici FC, Dinthar te an inkhel a, heta chak hian zanin dar 7:30 hian final an khel ang. Zanin dar 6:00 hian Veteran final-ah Kim Kim 77 FC leh Ditea's FC te an inkel dawn. Nimin tlai khan Kim Kim 77 FC hian Tumbailek FC 8-6 in an hneh a, Ditea's FC hian Ramhlun United 7-3 in an hneh ve bawk.