Sevilla Striker thar Chicharito

West Ham striker Javier Hernandez chuan pound maktaduai 7.24-in Sevilla a zawm a, kum thum chhung atan contract a ziak. 

Chicharito tia hriat lar striker hian kar hmasa Zirtawpni khan Hammers thuneitute hnenah chhuah dilna a thehlut tawh a, London club tan chelh zui zel chi a ni lo. 

Manchester United striker hlui hian kum 2017 khan Bundesliga club Bayer Leverkusen aṭangin West Ham hi a zawm a, hetihlai hian pound maktaduai 16 man a ni. 

Hammers tan Premier League-ah match 55 a khelhsak hman a, goal 16 a khung. London club hian Eintracht Frankfurt aṭanga Sebastien Haller an lakluh avangin Chicharito hian khelh tam a inbeisei lo a, Sevilla lam a hawi.