Best FIFA Men’s Player dawng tur Ronaldo, Van Dijk, Messi

The Best FIFA Football Awards dawng thei tur finalist chu nimin khan puan a ni a, mipa lawmman dawng thei tur chu Cristiano Ronaldo, Virgil van Dijk leh Lionel Messi te niin UEFA Men's Player of the Year dawng thei tur mi pathum nen an inang chiah.

Award hi September 29 hian Milan-ah sem a ni dawn a, nikum khan Croatia midfielder Luka Modric chuan chawimawina hlu tak hi a dawng.

UEFA Men's Player of the Year award atan Liverpool defender Van Dijk thlan a ni a, he chawimawina defender aṭanga dawng hmasa ber a nih avangin Best FIFA Men’s Player dawng tur pawhin a buk a rit hle.

Dutch defender Van Dijk hian season liam ta khan Liverpool chu Champions League-ah a champion pui a, Premier League-ah pahnihna nihpuiin PFA Player of the Year-ah thlan a ni. Reds hian season liam ta khan league-ah goal 22 chauh an chhuah a, Europe league sang paruk zingah chhuah tlem ber an ni.

Van Dijk elpui Ronaldo hian season liam ta khan goal 28 a khung a, Serie A-ah Juventus champion puiin Nations League-ah Portugal a champion pui bawk. Lionel Messi hian inelna hrang hrangah goal 52 khungin Champions League leh La Liga-ah top scorer a ni a, Spanish league-ah Barcelona a champion pui bawk.

Hmeichhe UEFA Player of the Year a thlan Lucy Bronze chu FIFA chawimawina dawng thei tur zingah a lang nawn. Hmeichhe coach ṭha zingah Manchester United defender hlui Phil Neville a lang tel bawk.

Best FIFA Men’s Coach dawng thei pathum chu Premier League club enkawltute vek an ni a; Premier League champion Manchester City manager Pep Guardiola leh Champions League champion Liverpool manager Jurgen Klopp tih chu zawhna a nih rualin player thar lalut lo chunga UCL final thleng thei Tottenham Hotspur manager Mauricio Pochettino en liam ngawt a rem lo bawk ang.

Men's player

Cristiano Ronaldo (Juventus/Portugal) 

Lionel Messi (Barcelona/Argentina) 

Virgil van Dijk (Liverpool/Netherlands)

Women's player

Lucy Bronze (Lyon/England)

Alex Morgan (Orlando Pride/USA)

Megan Rapinoe (Reign FC/USA)

Men's coach

Pep Guardiola (Manchester City)

Jurgen Klopp (Liverpool)

Mauricio Pochettino (Tottenham)

Women's coach

Jill Ellis (USA), Phil Neville (England)

Sarina Wiegman (Netherlands)

Women's goalkeeper

Christiane Endler (Paris St-Germain/Chile)

Hedvig Lindahl (Wolfsburg/Sweden)

Sari van Veenendaal (Atletico Madrid/Netherlands)

Men's goalkeeper

Alisson (Liverpool/Brazil)

Ederson (Manchester City/Brazil)

Marc-Andre ter Stegen (Barcelona/Germany)

Puskas award (Goal nalh ber)

Lionel Messi (Barcelona v Real Betis)

Juan Quintero (River Plate v Racing Club)

Daniel Zsori (Debrecen v Ferencvaros)

FIFA Fan Award

Silvia Grecco, Brazil

France 2019-a Netherlands fans

Justo Sanchez, Uruguay