Danmawia'n Hyderabad club a pan

Indian Super League club thar Hyderabad FC tan Laldanmawia Ralte a khel dawn a, Sialhawk Express-in ISL-a season khat a hmanna tur a ni ang. 

Mizoram Premier League club Dinthar FC aṭanga hmelhriat hlawh ṭan Danmawia hian season hnih liam ta kha East Bengal tan a khel a, season hmasa khan I League-ah match 19 khelin goal riat a khung. Danmawia hian Indian football-a ngaihhlut hlawh tak Kolkata derby-ah match ruk a khel hman a, goal li a khung - Kolkata club fans lakah a tla na hle. 

Mahse, Danmawia chuan, "ISL khelh ve a châkawm a, chona thar hmachhawn ve ka duh a ni," tiin Kolkata club a chhuahsan chhan Vanglaini a hrilh.