Vawiin aṭangin Ashes fourth Test
England leh Australia chuan vawiin tlai dar 3:30 hian Old Trafford Cricket Ground-ah Ashes fourth Test an khel dawn a, Test match thum an khelh tawhah 1-1 in an inhnehtawk mek.
Australia-in match hmasa bera chakpuitu Steve Smith chu inhliam vanga third Test-a an hman theih loh hnuin an chhawr leh thei tawh a, Usman Khawaja erawh player 12 squad-ah dah a ni lo thung. Khawaja hi match thum khelh tawhah inlan vekin innings ruk aṭangin 20.33 runs chauh average a nei pha.
Aussies hian Cricket World Cup-a an rinrawl pace bowler Mitchell Starc pawh fourth Test atana thlan player 12 zingah an telh. England pawh an insiksawi dawn. Opener Jason Roy chu palinaah a bat tawh dawn a, Joe Denly-a'n bul a ṭan tawh thung ang. Roy hian innings ruk aṭangin run 57 chauh a siam.
Fourth Test khel thei turte
Australia XII : David Warner, Marcus Harris, Marnus Labuschagne, Steve Smith, Travis Head, Matt Wade, Tim Paine (c, wk), Pat Cummins, Peter Siddle, Mitchell Starc, Nathan Lyon, Josh Hazlewood.
England XIII : Joe Root (c), Jofra Archer, Jonny Bairstow, Stuart Broad, Rory Burns, Jos Buttler, Sam Curran, Joe Denly, Jack Leach, Craig Overton, Jason Roy, Ben Stokes (vc), Chris Woakes.