Napoli-in coach ban tum lo

Italian club Napoli chuan an coach rawih lai Gennaro Gattuso ban tumna an neih loh thu an sawi a, hun harsa tawng mek mah se a hnungah an thlawp tlat thu an sawi lang nghal bawk.

Tun hnaiah club president Aurelio De Laurentiis, vice president Edoardo leh CEO Andrea Chiavelli te an inhmukhawm a, anni hian Gattuso bakah a coaching staff-te chu an thlawp tlat thu an sawi.

Napoli hi Juventus ngam loin Italian Super Cup-ah an tlawm, an chak loh hnua an match hmasa berah Hellas Verona chu 3-1 in an ngam lo chhunzawm. Team nem zawk laka an tlawm vang hian coach hian sawisel a hlawh nasa. 

Season hmasa khan Gattuso kaihhruaina hnuaiah Napoli hian Coppa Italia nomawi an chawi. Kuminah pawh cup hi lak leh an la beisei, nizan khan quarterfinal-ah Spezia an hmachhawn a, result kan hre hman lo; a chak zawk hian semifinal-ah Atalanta an hmachhawn leh ang.