Arrows tan Engmawia

Indian Arrows-in Ai­zawl FC an hneh hnuah East Bengal ngam lo mah se Shillong Lajong lakah an insiamṭha lehnghal a, Meghalaya club hi nimin khan 3-0 in an sawp - Arrows tan Mizo rawlthar Lalengmawia chuan goal khat a khung a, Ninthoi Meetei leh Vikram Pratap ten goal khat ve ve an khung ve bawk. 

Aizawl FC boss hlui Khalid Jamil enkawlna hnuaiah Mohun Bagan-in hma an sawn zel a, coach thar hnuaia match hnih an khelha an vawi hnih chakna ni turin Inrinni khan team ṭhangduang Neroca chu Sony Norde goal khung hmangin 1-0 in an hneh - champion an sawi ngam ve leh ta. 

Zaninah I League in­khel pakhat a awm dawn a, dar 7:30-ah Chennai City chuan East Bengal an mikhual ang.