Match 18 tlawm lo Paris St-Germain

French champion Paris St-Germain chuan hneh loh nei loa season an hman ṭhat an chhawmnung zel a, Inrinni zan khan Amiens chu 3-0 a sawpin a zawnin league match 18 chu tlawm loin an kaltluang ta.

PSG hian inkhel thunun mah se goal erawh an khung mai thei bik lo. Striker Edin­son Cavani chuan minute 57-naah penalty aṭangin goal hmahruai a khung a, Uruguay international-in goal a neih hnuah Kylian Mbappe leh Marquinhos ten an chak nemnghehna an khung bawk.

Mualneitu Amiens lamin defender Khaled Adenon chu minute 66-naah yellow card vawi hnihna hmuh vangin an chan a, table mawngphah lamah an talbuai chhunzawm rih dawn a ni.

Ligue 1 season kal laiah PSG hian point 50 hmuin hmahruaitu an ni a, match 18 khelh aṭang lekin an aia match hniha khel tam zawk Lille lakah point 13 zetin hma an hruai fal.