Electric Veng-ah MFA Futsal League

Mizoram Football Association Futsal League chu January 31, 2019 hian Electric Veng YMA Indoor Stadium-a khelh turin ruahmanna siam a ni.

MFA Futsal League hi a hmun a remchan mai loh avangin a khelh hun tur pawh tihchian theih a ni lawk lo a, Electric Veng YMA in MFA lam ngenna an ngai pawimawha remchang an siamsak thei tur hi MFA chu an chungah a lawm hle a ni. Fixtures leh inkhelh dan tur kimchang hi a rang lama tichhuah thuai a ni ang.

MFA Futsal League ah hian Aizawla veng 16 behchhanin team 16 an awm a, heng team 16-te hi group hnihah ṭhenin an inkhel kual chhuak ang a, group pahniha a sang pali ve vein quarter final an khel ang a, chumi hnuah semifinal awmin final an khel zui leh ang.