Australia-in India an hneh

Inrinni khan Sydney Cricket Ground-ah Australia leh Inda ten ODI vawi thum an khelh tura match hmasa ber an khel a, inelna thlengtu Baggy Greens hian 34 runs-in hnehna an chang.

Australia hi coin toss-ah chakin bat hmasak an thlang a, century siam awm lo mah se Usman Khawaja (59), Shaun Marsh (54) leh Peter Handscomb (73) ten half century an siam tling vek a, over 50-ah wicket nga hlohin run 288 an vaw chhuak.

India bat hun a thleng a, Rohit Sharma chuan ball 129-ah run 133 zet an siam a, MS Dhoni-a'n run 51 siam ve bawk mah se batsman dang an che ṭha lo a, mahse a opener Shikhar Dhawan leh Ambati Rayudu te an duck out bawk avangin run 254 bak an tlin lo a, wicket kua zet an hloh hman bawk.

Australia leh India hian naktuk zing hian Adelaide Oval-ah ODI match hnihna an khel dawn a, zing dar 8:50 aṭangin an inkhel ṭan ang.