Chhinga Veng an inhnehtawk

Nimin khan Barasat Stadium-ah Chhinga Vengin I League Second Division-a an match hmasa ber an khel a, New Barrackpore Rainbow AC nen 0-0 in an inhnehtawk.

Chhinga Veng hian khualmualah hian game nung tak an khel a, amaherawhchu tlarhma lama an player-te hi pumraw lama an len tawk loh avangin New Barrackpore Rainbow defender lian ṭha tak tak karah a hmawr bawk tur khawpin an goal nawr a na tawk lo.

Chhingcows hian January 17 hian Jamshedpur FC Reserves nen JRD Stadium, Jamshedpur ah match hnihna an khel leh dawn. Aizawla an match hmasa ber chu January 25-ah an khel dawn a, RG Stadium-ah Kolkata club ṭha Mohammedan Sporting Club an mikhual ang.

Mizo club hi Group C-ah New Barrackpore Rainbow, Mohammedan Sporting Club, Trau FC bakah Jamshedpur FC Reserves leh ATK Reserves te nen an awm ho a, group khat aṭangin pahnihin final round an lut dawn a, ISL Reserves tan stage sang zawk a thlen theih loh.

Chumi awmzia chu Chhingcows,  New Barrackpore, Mohammedan leh Trau te hian hmun ruak pahnih hi an inchuh dawn a ni.