India tlangval a tla

Prajnesh Gunneswa­ran chu Grand Slam a khelhna hmasa ber Aus­tra­lian Open-ah hneh nei loin a tla. Nimin zing khan India tlangval tennis khel thiam hi Frances Tiafoe lakah 7-6 (9-7), 6-3, 6-3 in a tlawm.

Prajnesh hian a tir aṭangin thapui a thawh nghal a, player pahnihin an service an vawn him ṭhat avangin game 12-na thleng in an inhneh tawk. Set hmasa ber tie break an khelh laiin Tiafoe hian a khingpui service chu vawi khat chhuhsakin a tlang.

American tlangval hian harsa taka set hma­sa ber a lak hnuah world number 112 Prajnesh a ngam sawt a, set hnu­hnung pahnihah chuan a khingpui service hi vawi hnih ve ve chhuhsakin a chak.