Mizoram U21 boys an chak vek

Khelo India Under 21-ah Mizoram team chuan nimin khan Kerala 3-1 in an hneh a, group stage-ah an khingpui an hneh vek. Coach Chawngthansanga hote hian semifinal-ah vawiina Goa leh Punjab chak zawk an hmachhawn ang.

Nimin inkhelah hian Kerala lamah Mizoram tan Lalhriatpuia'n goal hnih a khung a, Lalremruata'n goal khat a khung a, match thum an khelhah goal thum an khung tling vek. Semifinal hi January 17 zing dar 9:00-ah khelh tur a ni a, Goa leh Punjab te hian point ruk ve ve an hmuh tawh avangin duhthlan tur zawk an awm lo.

Mizoram manager Hmingthansanga chuan, "Mizoram Premier League-a khel player kan ngah a, an kum la naupang mah se inelna sang an hmachhawn tawh avangin boruak sangah an talbuai lo. Tun dinhmun kan thlen theih chhan hi Mizoram Football Association thawhrah a ni a, an chungah kan lawm takzet. Khelo India inelnaa min tirtu Sports and Youth Services chungah kan lawm takzet bawk," tiin Vanglaini a hrilh.