Cardiff-in striker thar an melh

Premier League club talbuai Cardiff City chuan anmahni chhan chhuaktu tur zawngin bazar lamah an mit an len mek a, Argentine striker Emiliano Sala chu an player manto ber ni turin pound maktaduai 18-in an dawr mek - he thuziak i chhiar meuh chuan an lalut fel tawh hial mai thei. 

Kum 28 mi striker hi French club Nantes tan khel mekin a season hmasa ber 2015-16 tih lohah chuan goal 10 aia tam a la khung ziah a, tun season-ah pawh match 18 khel tawhin goal 13 a khung tling der tawh. 

Sala hian league bikah match 16 khel tawhin goal 12 a khung tawh a, Ligue 1 kal meka goal khung tam lamah Paris St Germain forward Kylian Mbappe (14) leh Lille winger Nico­las Pepe (13)-te a tluk lo.

Cardiff hian Sala hi an lalut a nih chuan kum 2013-a Chile international midfielder Gary Medel tana pound maktaduai 11 an sen chu a khum dawn tihna a ni.