AIFF Academy Accre-ditation Workshop nei

Nimin khan All India Football Federation Academy Accreditation Workshop chu Lammuala MFA site office ah neih a ni a, football academy aiawhin mi 15 an tel a ni.

AIFF hnuaia develo-pment officer Samson Ramengmawia chu resource person niin India ram football thuneitu sang berin football academy kalpui a duh dan chu a zirtir. AIFF chuan academy din tur tan criteria 11 a duang a, chung zingah chuan technical staff, facilities & infrastucture, talent identification & recruitment, medical leh administrative support te chu an ngaih pawimawh zual a ni.

Shillong Lajong captain hlui Samson chuan, "AIFF lam chuan India ram football hmasawn nan academy hi an ngai pawimawh em em a, academy te chu kalphung mumal nei turin an duh. Mizorma pawhin kan zawm thih chuan kan hlawk pui khawp ang," tiin Vanglaini hrilh.

Nimina workshop neih-ah pawh hian Tata Trusts Centre of Excellence, Aizawl FC, Chanmari FC, SSA Academy, M28 Academy, Gideon Football Academy leh Aizawl pawn aṭangin Serchhip te an tel a ni.