Mizoram hockey team tlang lo

Khelo India Youth Games khelh mekah nimin khan Mizoram Under 17 hmeichhe team chuan Haryana 5-1 in hneh mah se an group aṭangin an tlang zo ta lo.

U-17 huangah hian team pariat an inlan a, Mizoram hi pool B-ah Maharastra, Odisha leh Haryana te nen an awmkhawm. Match hmasa berah Haryana nen 1-1 in inhnehtawk mah se, Odisha (4-2) in an ngam lo - an pool aṭang hian Haryana leh Odisha an tlang.

Under 21 huangah Mizoram hi Jharkhand, Odisha leh Maharstra te nen pool A-ah an awmkhawm thung. Mizoram hian nizan khan an pool match hnuhnung ber atan Odisha an hmachhawn a, hnehna an chang a nih chuan semifinal luh beiseina an la nei. Match hmasa berah Jarkhand (5-2) in hneh lo mah se team ṭha Maharastra nen 2-2 in an inhnehtawk a ni.