Mislintat dinhmun chiang lo

Arsenal tana mi ṭang-kai tak pakhat, head of recruitment Sven Mislintat chu dinhmun chiang loah a awm mek - chhuak  tur anga sawi a ni a, club lam chuan an pha thung.

Kum 46 mi Mislintat hian 2017 November thla khan Borussia Dortmund aṭangin Arsenal hi a zawm a, chief executive Ivan Gazidis kaihhruaina hnuai-ah khan hmun pawimawh tak changin Bundesliga club aṭanga Pierre-Emerick Aubameyang an lakluh theih nan pawh tha a thawh hlawk hle.

German pa fing tak hian hna thar a nei hnai niin khawthlang media chuan thu an thehdarh mek. Coach Unai Emery an lakna tur pawha inrawlh thuk tak hi Gunners chuan technical director atan an hual niin an sawi thung.