Forest manager thar O'Neill
English club hlawhtling ber pawl Nottingham Forest chuan an club legend Martin O'Neill chu an manager thar atan an lalut a, Aston Villa manager hlui contract rei zawng hi tarlan a ni lo.
Kum 66 mi manager hian player a nih laiin Forest tan 1971-1981 season chhung a khel a, kum 1978 leh 79 khan a zawnin European Cup-ah a champion pui a, Football League First Division (1), League Cup (2) leh European Super Cup (1)-ah te a champion pui bawk.
November-a Republic of Ireland coach a nihna aṭanga chawl O'Neill hian coaching khawvelah tawnhriat a ngah hle.
Wycombe Wanderers chu English Football League-ah a kaipui a, Leicester City chu League Cup-ah a champion pui a, Celtic chu Scottish Premiership-ah vawi thum a champion pui a, Scottish club hnuah hian Villa, Sunderland leh Ireland te a enkawl leh a ni.