Ferrari-ah Mick Schumacher

Formula 1 vawi sarih cham­­pion tawh Michael Schu­­macher-a fapa Mick Schuma­cher chuan a pa hnung a zui dawn niin a lang, car intlan­­siakna lama intuai­hriam turin Ferrari driver academy a zawm.

Kum 19 mi Mick hian 2017 khan European Formula 3-ah a hmel a lan tawh, tun season hian Prema team tan Formula 1-ah a inlan dawn a ni. Ferrari academy a zawm avang hian chona dang a neih belh dawn, Ferrari tan hian test drive vawi hnih a neih sak dawn bawk a ni.

Formula 1 legend Michael Schumacher hi tun dinhmun­ah mipui vantlang tlawhpawh theih lohin a la awm mek, 2013 December thla khan vur tawlhna hmunah che sualin a luah hliam na tak a tuar a, nikhaw hre loin a awm.