GSW tan NBA record thar

Golden State Warriors chuan NBA record thar siamin quarter khatah point 51 zet an nei thei a, NBA champion hian nimin zing khan Nuggets chu 142-111 in an sawp.

Quarter khata point hmu hnem ber record an siam bakah GSW-in quarter hmasa bera 3-points vawi 10 ngawt an vawm luh chu record thar a ni bawk. Warriors coach Steve Kerr chuan, "Basketball hmuh­nawm tak a ni a, kha­tianga bul ṭanna fuh leh ṭha kha ka la hmu ngai lo," tiin a sawi.

Golden State hian regular season kal laiah vawi 30 hneh­na an chang tling ta chiah a, vawi 14 chak loh an nei tawh thung. Tukin dar 9:00 hian Peli­cians nen an intawng zui leh nghal ang.