India defender Anas a chawl

Asian Cup 2019 group stage aṭanga an tlak hnuah Indian football team-in chanchin duhawm lo an neih belh zel a, centre back rinawm Anas Edathodika chuan ram tana inkhelh a chawlhsan thu a puang. 

Kum 31 mi defender chuan, "Thinlung na leh rilru hrehawm tak chungin ram tana inkhelh ka chawlhsan thu puan a ṭul ta a, kum tam zawk ṭha taka la khelh reng hi ka duh a, mahse naupang zawkte tan hmun ken a hun ve tawh a ni," a ti. 

Stephen Constantine hnuaia kum 2017-a ram tana a match hmasa ber khel ve chauh Anas hian Blue Tigers tan match 19 a khel hman a, Asian Cup-a an match hnuhnung berah khan minute khatna lekah hliam vangin lakchhuah a ngai nghal. 

Kerala Blasters de-fender chuan, "Stephen-a chungah min rin avangin lawmthu ka sawi a, ka khelhpuite chungah ka lawm takzet. Sandesh Jhingan, nang nena tlarhnung ven kha nuam ka ti a, Jeje, ka room mate neih tawha la ṭha ber i ni," tiin a ṭhiante hming lam chungin India jersey a mangṭha.