Hockey team tla fel ta

Khelo India Youth Games-a hmeichhe hockey inelna bikah Mizoram team chu semifinal lut zo loin an tla. Under 21 huangah Mizoram hian Thawhlehni zan khan an group match hnuhnung ber khelin Odisha nen 1-1 in an inhnehtawk.

Mizoram hi Jharkhand, Odisha leh Maharastra te nen pool A-ah an awmkhawm. Match hmasa berah Jarkhand (5-2) in hneh lo mah se team ṭha Maharashtra nen 2-2 in an inhnehtawk, Odisha hneh chunga semifinal luh beisei mah se goal khat aia tam an vuak luh theih loh avangin an zinkawng a tawp.

Hmeichhe hockey bikah hian Under 17 leh Under 21 a awm a, team pariat ve ve an inlan phak. Mizoram hi inelna pahnihah inlan phak mah se group stage an paltlang zo lo ve ve a ni.