ICU-ah Correa an dah

Formula 2 driver Juan Manuel Correa chu a dinhmun a ṭhat tawk loh avangin Intensive Care Unit (ICU) ah dah luh leh a ni, Correa hi Belgian Grand Prix an tlan laia chesual kha a ni a, a chetsual pui French driver Anthoine Hubert chu kar hmasa Inrinni khan a thi tawh.

Kum 20 mi Correa hi an chetsual hlimah zai a ni a, a dinhmun a ṭhat thu pawh tarlan a ni. Mahse, beisei angin a ṭha mai thei lo a, hma a sawn chak loh avangin enkawl bikna dawng tura dah a ngai. Sauber Junior team chuan thuchhuah siamin, "Correa chu enkawl bik a la ngai a, a ṭhat chhuah leh thuai theih nan damdawi lam thiam leh team lam chuan theihtawp kan chhuah," tiin an sawi.