Gatlin a la dam fel lo

American tlangval tlan chak Justin Gatlin chu a malpui vei lam hliam a la dam fel lo a, 100m huanga world champion a nihna chu a hum thei dawn em tih a chiang thei ta rih lo.

Kum 37 mi Gatlin hi Croatia khawpui Zagreb-a inelna an neihah a inhliam, 100m chu 10.29 seconds chhunga thlengin palina dinhmun a luah hram. He inelnaah hian a hnampui Michael Rodgers chuan 10.04 chhunga thlengin hnehna a chang.

September 27 aṭanga October 6 chhung hian Doha-ah 2019 World Athletics Championships neih a ni dawn, tun dinhmunah Gattlin hi a la dam fel loh avangin gold medal a kawl mek hum tur chuan inbuatsaihna hun a nei tlem dawn hle tihna a ni.