Bucks an chungnung zel

22nd February, 2020

NBA regular season khelh chhunzawm a ni leh tawh a, champion tur rinkai zinga mi Milwaukee Bucks chuan nimin zing khan an khingpui Detroit Pistons chu 126-106 in an hneh.

All-Star Game neih laia player hmuhnawm Giannis Antetokounmpo a che ṭha zel. Most Valuable Player nilai hian point 33 a neih bakah rebounds vawi 16 lain double-double a nei.

Eastern Conference hmahruaitu Bucks hian match 47 hnehna an chang tawh, ṭum riat chauh chak loh an la neih avangin regular season hmang ṭha ber an ni mek - Pathianni zing dar 7:00-ah Philadelphia 76ers nen an inkhel leh ang.