World Championships khel tur Jeremy

Jeremy Lalrinnunga chuan nakkuma Olympic khelh theihna tur kawng a zawh zel. Senior World Weightlifting Championships chu September 18-27 chhung hian Pattaya, Thailand-ah neih a ni dawn, he hunah hian 67kg huangah Mizo tlangval hi a inlan ang.

India team chuan nimin khan inelna tur hmun hi an pan tawh a, Thailand-ah hian chawlhkar hnih chhung vel chu inbuatsaihna an lo han nei hman dawn tihna a ni. Olympic-a inlan thei turin qualifier atan a tlem berah inelna lian paruk tal hmachhawn a ngai, chumi hnuah ranking sang zual an inlan thei chauh ang. Jeremy hian kumin February thla khan EGAT's Cup International Weightlifting Championships-ah silver medal a lo la tawh.

Mahse, Asian Senior Weightlifting Champion-ships-ah pakuana niin, Commonwealth Senior Weightlifting Championships-ah erawh a lang phak lo. Olympic khel thei tur chuan kawng zawh tur a la thui hle, junior leh youth huanga la inlan thei Jeremy tan senior hi a la awlsam lo.