Pakistan coach thar Misbah-ul-Haq

Misbah-ul-Haq chu Pakistan cricket team coach leh chief selector thar atan ruat a ni a, kum 45 mi hian World Cup semifinal-a Pakistan a hruai thlen theih loh avanga a contract pawhseisak ni ta lo Mickey Arthur hmun ruak a luah ang. 

Pakistan captain hlui Misbah chuan, "Beiseina a sang tih ka hria a, mahse he chona hmachhawn tur hian ka inpeih tawh a ni. Cricketer hmabak nei êng leh talent nei ṭha tak tak kan kawl nual a, hlauh nei lo leh fing taka an khelh theih nan puih ka duh a ni," a ti. 

Misbah hi amah ang thoa Pakistan captain hlui Waqar Younis chuan bowling coach niin a zawm ve dawn bawk a, September 27 hian Sri Lanka chu ODI leh Twenty20-ah mikhualin an zinkawng an ṭan ang. Pakistan Cricket Board committee chuan Australian batsman hlui Dean Jones leh an coach hlui tho Mohsin Khan chu an dawr bawk a, mahse Misbah hian an mit tlung berin kum thum chhung atan contract an ziahpui ta a ni.