Test batsman ṭha ber Smith

Australia batsman Steve Smith chu ICC Test ranking thar berah pakhatna a ni a, India captain Virat Kohli chu pahnihnaah a tla thla thung.

Ashes Test khelh mekah kum 30 mi Smith hi a khel ṭha takzet a, Aussie batsman hian first Test-ah innings pahnihah century a siam ve ve. Second Test-ah pawh Smith hian first innings-ah run 92 a siam a, hemi hnu hian third Test thlengin hliam vangin a inlan thei lo. A awm loh chhung hian England-in hnehna an chang a, series-ah 1-1 in an inhnehtawk mek.

Tunah hian fourth Test khelh a ni a, England bowler tan Smith-a'n harsatna siam leh mekin century a siam leh der leh tawh. India pawhin Virat Kohli captain-na hnuaiah West Indies chu Test series-ah 2-0 in hneh mah se Kohli hian run a vaw chhuak tam tawk lo a, innings vawi li aṭangin run 136 vaw chhuakin half century vawi hnih erawh a siam tho.

Test bowling ranking tharah Australia bowler Pat Cummins-a'n pakhatna a nih chhunzawm a, India chhuanvawr Jasprit Bumrah-a'n West Indies an hneh ṭumin hattrick siamin pathumnaah a rawn awm chho ve bawk.