Chennai-ah Mizo rider pahnih

Idemitsu Honda India Talent Cup 2019 neih mek chu September 7-8 hian round 4-na tlan a ni dawn a, inelna hmachhawn tur hian Mizo rider pahnih K. Lalnunsanga leh Lalrinzuala Tlau te chuan Madras Motor Race Track, Chennai an thleng tawh.

Round hmasa an tlan tawh chinah Mizo rider pahnih an che ṭha ṭhin hle. CBR150 category-ah K. Lalnunsanga chu championship hmahruaitu a ni mek a, a hnung chiahah Lalrinzuala a awm. Lalnunsanga CBR150 (Junior Category) a tlan mek chu race buatsaih tute lamin round lina aṭang hian a intihsiakna category an thlaksak dawn. Moto3 a Honda bike an hmuh ang (NSF250R) hmangin inelna a hmachhawn tawh dawn a ni.