Samuel Eto'o a chawl ta

Barcelona striker hlui Samuel Eto'o chuan inkhelh a chawlhsan thu a puang a, "A tawp ta, chona thar thlir ang," tiin a sawi. 

Kum 38 mi striker hian season hmasa khan Qatar SC tan a khel a, match 18-ah goal kua khungsakin a club tawp ber a ni zui ta. Eto'o hian kum 1996 khan kum 16 mi lek niin Real Madrid a pan a, khelhna hmun a chan loh avangin hriat a hlawhna tak erawh match 165-a goal 70-a khungsak Mallorca an ni. 

Kum 2004 khan Barcelona chuan Mallorca aṭang hian an lalut a, season nga chhungin match 199-ah goal 130 a khung - 2008-09 season khan match 52-ah goal 36 khungin treble champion a nihpui. Treble champion an nih hnu lawkah Inter Milan a pan a, a season hmasa berah Italian club hi treble champion a nihpui leh nghal!

FIFA FIFPro World XI-a vawi hnih lang thei striker hian kum 2011-a Inter a chhuahsan hnuah Anzhi Makhachkala, Chelsea, Everton, Sampdoria, Antalyaspor, Konyaspor leh Qatar SC tan a khel a, tunah chuan a chawl ta. 

Cameroon tan match 133-a goal 54 khunga an ram team tana goal khung hnem ber hian AFCON nomawi vawi hnih a chawi hman.