Root leh Ashwin te pahnih an pawimawh dawn

England international hlui Monty Panesar chuan India leh England inkhel turah England captain Joe Root leh Indian bowler Ravichandran Ashwin te chu result ti danglam theitu tur an nih thu a sawi. Monty Panesar hi Luton, England-ah a piang a, a nu leh pate hi Punjab aṭanga pem an ni a, England aiawhin India ramah pawh kum 2012 khan Test match vawi thum khelin a rawn zin a ni.

Kum 38 mi Panesar chuan, "Ashwin hi Australia an hneh ṭumin a khel ṭha em em a, inrintawkna nasa tak a nei ang. England tan hnehna chang turin Ashwin an hmachhawn dan hi a pawimawh dawn. Ravindra Jadeja awm lo tur hi India tan channa nasa tak a ni a, Ashwin thawp tur spinner an pawimawh," tiin a sawi. Test match hmasa ber hi February 5-9 hian

Chennaiah khelh a ni dawn a, Tami Nadu tlangval Ashwin hian an khaw tual aṭangin bul a ṭan dawn tihna a ni.

England chungchang sawiin Panesar chuan, "England hian series hi a la dawn a nih chuan Joe Root a khelh ṭhat a ṭul a, kum 2012-13 series a Alastair Cook a hnung zuiin hun rei tak a bat theih a ngai. Sri Lanka nen khan Root hi a khel ṭha em em a, India nen pawh a chet ṭhat ka beisei," tiin a sawi. England captain Root hian Sir Lanka nen Test match vawi hnih an khelh ṭumah run 228 leh 186 a siam a, 2-0 in series an la.

Test match hmasa pahnih atana team pahnih squad

India : Virat Kohli (C), Ajinkya Rahane (VC), Rohit Sharma, Mayank Agarwal, Shubman Gill, Cheteshwar Pujara, KL Rahul, Hardik Pandya, Rishabh Pant (WK), Wriddhiman Saha (WK), Ravichandran Ashwin, Kuldeep Yadav, Axar Patel, Washington Sundar, Ishant Sharma, Jasprit Bumrah, Md. Siraj, Shardul Thakur.

England :  Joe Root (captain), Jofra Archer, Moeen Ali , James Anderson , Dom Bess, Stuart Broad, Rory Burns, Jos Buttler , Zak Crawley, Ben Foakes, Dan Lawrence, Jack Leach, Dom Sibley, Ben Stokes, Olly Stone, Chris Woakes.