Lalrinsanga a chak

Mizo zinga professional boxer hmasa ber Lalrinsanga chuan Inrinni khan a khingpui Mukesh chu first round-ah a knockout a, professional fight vawi thum a hmachhawnah a chak vek. 

Khawruhlian tlangval hi ruahman danah chuan Mumbai-ah Rakesh Lobchab nen inhnek tura tih a ni a, a khingpui tur professional fight vawi ruk chak tawh hi a remchan tak loh avangin Mukesh nen hian Pune-ah an inhmachhawn ta a ni.

Sete Boxing Academy-a inzir Sangtea hian Mukesh hma hian Mahesh Digari leh Mallika Arjun te a hneh tawh a, record ṭha zawk a neih hunah world title fight theih a inbeisei.