Upamecano a chhuak dawn lo

January transfer-ah RB Leipzig defender Dayot Upamecano a chhuak dawn lo a, nipui bazarah erawh a chhuah ngei a rinawm. Kum 22 mi French defender hi ram tan vawi thum a inlan tawh a, Europe club liante chil tiputtu a ni pha ang.

Upamecano release clause hi euro maktaduai 42.5 chauh a ni a, hemi a nih avang hian ngaihventu an tam dawn. Hetihlai hian Bayern Munich rawlthar duhawm Joshua Zirkzee chuan loan-in Parma a zawm hnai.

Kum 19 mi Dutch forward Zirkzee chungchangah Italian club hi Everton pawhin an chuhpui tih sawi a ni a, amaherawhchu Premier League club hi an inhnuk dawk tawha ngaih a ni.  Parma hian an lalut fel thei a nih chuan euro maktaduai 15-a lei tel theih dan a awm ang.

Arsenal leh Julian Brandt sawi zawm chungchang erawh thuthang dik lo a ni a, Gunners-in Germany international Brandt hi an dawr lo a, Borussia Dortmund-in tun January transfer-ah hralh an tum lo.