Mizoramah cricket hmunhma ṭha

Board of Control for Cricket in India chuan hmar chhak state zawng zawng tan cricket hmunhma ṭha a siamsak dawn. Mizoram tan pawh Sihhmuiah ruah a sur lai pawha cricket training neih theihna siam a ni ang.

BCCI honorary secretary Jay Shah chuan tun hnai khan hmarchhak a tlawh kual a, a bik takin hmar chhak ram hian ruah tui a dawn hnem avangin cricket khelh kawngah harsatna an tawk tih a takin a hmu. Ruah sur lai pawha training theihna tur hmun siamsak tur hian ruahmanna a siam zui ta a ni.

Hmar chhaka hmalakna enpui tur hian Cricket Association of Mizoram Honorary Secretary Mamon Majumdar chu tih a ni. Mamon chuan, "Tun aṭanga thla thum chhungin hmalakna neih hman tura tih a ni. Indoor stadium siam turah hian gymnasium leh swimming pool te pawh a awm dawn a, a ṭha thei ang bera chei bawl a ni ang. Hmalakna hi Mizoram chauh ni loin North East state zawng zawng tana tih a ni," tiin Vanglaini a hrilh.