Kulikawnin Bawngkawn an sawp

Mahuma Memorial Cricket Tournament-a an match hmasa berah chiang takin Kulikawn an chak nghal a, Bawng­kawn South chu run 144 ngawtin an sawp.

Suaka Cricket Ground-a inkhelah ṭhum­vawra vannei zawk Bawngkawn South-in vawm hmasak an thlang a, an beisei ang a ni lo - Kulikawn hian first innings-ah over 61.1 thleng an daih a, run 160 an siam. 

Bawngkawn South-in over 49 thleng daihin run 133 bak an tlin lo - Kulikawn tana run 37 siamtu Gaurav Sharma chuan wicket li a la bawk a, a che ṭha hle.

Second innings-ah thawn­thu a danglam lo. Kulikawn hian over 35.3-ah run 201 siamin wicket ruk chiah an hloh a, mahse chakna thamah ngaiin an duhtawk. 

Bawngkawn South-in over 36.5-ah run 84 chiah siamin an out vek a, Kuli­kawn an chak chiang hle.