Wembley-ah Spurs fans tam zawk

Tottenham chuan an inrinlawk aia rei Wembley Stadium an hman a ngai dawn tih a chiang tawh a, tunah chuan home match an khelh ṭuma fans ṭhutna an neih theih zat tih pun sak tura an dilna chu pawmsak an ni leh ta.

Spurs hian Stadium thuneitu Brent Council phalnain inkhel pangngai­ah ṭhutna 62,000 an nei thei tawh dawn a, Champions League bikah chuan a pumin (90,000) an hmang thei ang.

Premier League-a Watford, Newcastle United leh Leicester City an mikhual hunah chuan an inremna pangngai seat 51,000 an hmang chhunzawm ang a, a hnu lama an inkhelh turah erawh seat hi a pung dawn. Spurs hian a hma berah pawh March thla hma chuan an stadium sak mek White Hart Lane hi an hmang thei dawn lo.