China-ah Dembele

Tottenham Hotspur chuan an midfielder Mousa Dembele chu Chinese Super League club Guangzhou R&F hnenah an kaltir ngei dawn tih a chiang ta, Belgium international hi pound makatduai 11 man a ni ang.

Kum 31 mi Dembele hian tun season tawp thleng daih bak Spurs tan contract a nei tawh lo a, North London club tan man neia hralh theih a nih laia chhuahtir hi thil awm lo a ni hran lo.

Dembele hian 2012 khan Fulham aṭangin Tottenham hi a zawm, inelna hrang hrangah match 250 khelh sakin tun season bikah erawh match 13 bak a la inlan sak lo a ni.

Team 16 inel zingah Guangzhou hi season hmasa khan 10-na an ni a, Dembele hma hian European player dang Duako Tosic an neih tawh bawk avangin nikum ai chuan dinhmun ṭha zawk luah theih an inbeisei ang.