Fury leh Wilder inhnek nawn dawn

World Boxing Council chuan Tyson Fury leh Deontay Wilder chu a vawi hnih nana inhmachhawn leh tura thu an pek hnuin an sum insem dan tur thlengin ruahmanna an siam sak a, an inhnek hun tur tichiang vat turin an ti. 

WBC chuan boxer pahnih promoter-te chu February 5 hmaa inremna siam turin an ti a, an inrem hman lo a nih chuan WBC hian he inhnek aṭanga pawisa hmuh chu 60-40 a insem turin an ti ang. 

December-a boxer pahnih an inhmachhawn khan sawisel hlawh takin inhnehtawkah puan an ni a, hei vang hian inhnek nawn leh tura duhna mipui lamah a ri 

ring hle. 

Boxer pahnih intawn hmasak khan Wilder hi WBC heavyweight champion lai a nihna angin 70% a hlawh a, Fury hian 30% a dawng thung. 

Mahse, WBC chuan Fury hi a 'market value' a san leh tawh avangin 40% tal hlawh a phu tawhah an ngai a, tun dinhmunah chuan boxer pahnihte promoter inrem hun chiah nghah a ni ta.

Hetihlai hian April 13-a inhnek tura Wembley 'book' lawk tawh Annthony Joshua chuan boxer dang a hmachhawn mai dawn niin a lang.

British boxer rothap hi Wilder leh Fury hian a khat tawkin an chona thu an chhak chhuak ve reng a, April 13-ah hian tu emaw zawk tak hi chu a hmachhawn mai rin 

a ni. 

Mahse, WBC lamin thuchhuah thar an neih leh takah chuan Joshua hian heavyweight boxer dang a zawn mai a ngai dawn a nih hmel.