Mizo rider che ṭha zel

Idemitsu Honda India Talent Cup 2019 neih mekah Mizo rider ten hmalam an pan zel. CBR150 huangah K. Lalnunsanga chuan rider championhsip-ah hma a hruai chhunzawm a, Lalrinzuala Tlau pawhin beiseina a la nei.

September 6-8 chhung khan Madras Motor Race Track, Chennai-ah round 4 neih a ni. Intlansiak vawi hnih neih niin, a pahnihah Lalnunsanga hian hnehna a chang ve ve. Lalrinzuala chu pangana leh paruknaah a 

thleng thung.

Mizoram Motorsports Association president Lalfakzuala Hauzel chuan Mizo rider pahnih te hi a hmunah a kaihruai a, an lakah beiseina a nei sang hle. Faka chuan, "India ram hmun hrang hrangah Mizo rider ten mi hriat an hlawh tawh hle," tiin Vanglaini a hrilh a, budget lama harsat an neih ṭhin thu a sawi bawk.

Inelna hi neih chhunzawm zel a la ni dawn a, October 3-5 chhung hian Madras Motor Race Track, Chennai-ah bawk neih leh tur a ni ang.