Paine-a duhthusam England-a chak

Australia captain Tim Paine chuan England-ah ngei Ashes-a hnehna chan chu a suangtuah ṭhin leh a duhthusam a nih thu a sawi.

Aussies hian fourth Test-ah run 185-in England an hneh a, series-ah 2-1 a hma an hruai chiah avangin 'Ashes urn' an kawl chhunzawm dawn tih a chiang tawh. Amaherawhchu, Paine-a duhthusam thleng tur chuan September 12-a fifth Test an khelh hunah an chak emaw an draw a ngai ang.

Kum 34 mi Paine hi nikum March thlaa Australia captain Steve Smith leh vice captain David Warner bakah Cameron Bancroft te ball tampering-a an mualpho avangin captain-ah ruat ṭan a ni. Paine chuan, "Ashes-a hnehna chang tur hian kan thawkrim a, Steve Smith pawh a hma aiin a ṭha tawh zawk. A bula ka khel thei hi nuam ka ti hle," tiin an player pawimawh leh captain hlui Smith a fak.

Oval-ah fifth leh final Test hi khelh a ni dawn a, England-in fourth Test-a team ngai bawk an hmang leh dawn. Fifth Test atana England squad : Joe Root (capt), Jofra Archer, Jonny Bairstow (wk), Stuart Broad, Rory Burns, Jos Buttler (wk), Sam Curran, Joe Denly, Jack Leach, Craig Overton, Jason Roy, Ben Stokes, Chris Woakes.