Mizoramin Meghalaya hneh lo

National Under 14 Football Championship for Sub-Junior Boys, North East Zone Qualifying Round 2019-ah nimin khan Mizoram an inlan a, Meghalaya lakah 1-0 in an chak lo.

Imphal, Manipur-a inelna neihah hian Mizoram hi Group B-ah Assam leh Meghalaya te nen an awm a, September 12 hian Assam nen an inkhel dawn. Group khat aṭangin team pakhat chauhin final round lut tur a ni a, Meghalaya hian Assam chu 3-0 a an hneh tawh avangin final round an lut.

Mizoram coach Vanlalrova chuan, "Goal khat lut hi keeper leh defender inrinthulh vang a ni a, kan vanduai takzet. Beisei tur kan nei tawh lo hi hrehawm kan ti a, Assam erawh hneh ngei kan la tum fan e," tiin Vanglaini a hrilh.