A chung berah Barty

Hmeichhe tennis thuneitu sang ber Women's Tennis Association (WTA) chuan world ranking thar an tichhuak leh ta. Australian nula Ashleigh Barty chuan point 6,501 hmuin a chung ber dinhmun a luah.

US Open champion thar Bianca Andreescu chuan tennis a khelh china a tawn san ber tawngin pangana a ni, a sang zual 10 zinga a tel vawi khatna a ni nghal bawk.

Tun hnaia match 13 chak zawn tawh Andreescu chuan, "Malsawmna ka dawng nasa hle, tuna ka hun tawn hi ka tan chuan damchhan dik tak pakhat chu a tling," tiin a dinhmuna a lungawi tawk thu a sawi.

Season kal laia Grand Slam hnuhnung ber US Open khelh a nih hma khan Naomi Osaka chu world number 1 a ni a, Japanese nula hian a nomawi leh ranking point a hum theih loh avangin palinaah a tla hniam.