India rinkai zawk an ni - Chappell

India leh England te chuan February 5-9 hian Test match vawi li an khelh tura hmasa ber chu Chennai-ah an khel dawn a, Australia captain hlui Ian Chappel chuan India chu chak tura rinkai zawk an nih thu a sawi.

Chappel chuan, "India hian harsatna tam tak patlangin Australia an hneh a, rinkai an lo thei lo. Batting-ah Virat Kohli a awm belh leh chiah bawk a, hneh an harsa tawh ang," tiin India an dah sang hle.

India leh England te hian Test match vawi 60 an khel tawh a, India hian vawi 19 hnehna changin England hi vawi 13 an chak a, vawi 28 an inhnehtawk.

Ian Chappel chuan, "India batting-a hmasa pathum Shubman Gill, Rohit Sharma leh Cheteshwar Pujara te hi England batting-a hmasa pathum Joe Root, Dom Silbey leh Rory Burns te aiin an rintlak zawkah ka ngai. Chutihrualin cricket-ah chuan eng result pawh a thleng thei a ni," tiin a sawi.